﻿KHORO YA MADZINA A VHUPO YA AFRIKA TSHIPEMBE

		KHUWELELO YA U TA

Muhasho wa Vhutsila na Mvelele u khou humbela tshitshavha uri tshi te vhathu vhane vha ḓo shuma sa miraḓo ya Khoro ya Madzina a Vhupo ya Afrika Tshipembe. Khoro yo vhumbwa nga miraḓo i sa fhiriho 25 hune khavho vha 12 ndi vhaimeleli vha mavunḓu, Ofisi ya Poswo ya Afrika Tshipembe, Dairekithoreithi Khulwane: Dzisaveyi na zwa Mimapa na Bodo Nyangaredzi ya Nyambo dza Afrika Tshipembe.

Mushumo wa SAGNC ndi u tsivhudza Minisiṱa wa Vhutsila na Mvelele nga ha ndinganyiso na othogirafi ya madzina maswa o gaganywaho na u shandukiswa, u bvisa kana u imela madzina a re hone. 

Vhathu vho tiwaho vha fanela u vha vha na nḓivho kana vhukoni ha tshipentshela kha masia a tevhelaho:
• Ḓivhashango, Dzisaveyi na zwa Mimapa
• Nyambo dza tshiofisi dzo dzhielwaho nṱha na nḓivho ya luambo nga u angaredza
• Mvelele, Vhufa na Vhuendelamashango.

Miraḓo ya SAGNC a vha wani miholo, fhedzi vha a badelwa malugana na mbadelo kana tshinyalelo dza zwi elanaho na u shumela Khoro

Muṅwe na muṅwe a re na dzangalelo ḽa u ta miraḓo ya SAGNC u fanela u isa:

(a) luṅwalo lu re na dzina nga vhuḓalo, ḓiresi, nomboro dza luṱingo  na dza fekisi dza muthu o tiwaho na u ṋea zwiitisi zwauri ndi ngani vha tshi khou mu ta;
(b) kharikhuḽamu vithae ya muthu o tiwaho, i tshi khou ṱalutshedza uri ndi ngani o tea u tholiwa; 
(c) tshitatamennde tshipfufhi tsho sainiwaho nga muthu o tiwaho, tshine a khou sumbedza uri u tendelana na u tiwa hawe;
(d) madzina a vhathu vhararu vhane vha nga kwamiwa vhane vha mu ḓivha.

A hu na madzina a vhathu vho tiwaho ane a ḓo dzhielwa nṱha nga nnḓa ha musi zwi re afho nṱha zwo dzheniswa. 

Madzina a vhathu vho tiwaho a tea u vha o swika kha Mulangi – Muhulwane wa Muhasho wa Vhutsila na Mvelele, Phuraivetebege x897, PRETORIA, 0001, kana a nga fekiselwa kha (012) 441 3624/ 441 3570 nga dzi 15 Fulwi 2007 
